HYPNALE

HYPNALE

Graece ὑπνάλη, epitheton aspidis, cuius rationem habes apud Solin. c. 27. Hypnale, quod somno necat, teste Cleopatrâ, emitur ad mortem.

Quod viz. nullo sensu doloris, quasi somno solutos ex tinguat, quos pupugit. Unde Cinna,

Somniculosam ut Poenus aspidem Psyllus.

Haec in sacris Isidis, cum tumido collo, caput arduum attollens, circumferebatur: Ovid. Met. l. 9. v. 393. ubi de Isidis mysteriis,

Sistraque erant, numquam satis quaesitus Osiris,

Plenaque somniferis serpens peregrina venenis.

Vide supra ubi de Aspide, item in voce Chelidonia.